Урганч шаҳрига 30 дона замонавий автобус олиб келинди, деб хабар бермоқда Транспорт вазирлиги.
Қайд этилишича, давлат раҳбарининг 2023 йил 16 февралдаги қарорида белгиланган вазифалар ижроси доирасида Урганч шаҳрида аҳолига сифатли жамоат транспорти хизмати кўрсатишни йўлга қўйиш мақсадида замонавий автобуслари олиб келиниши давом этмоқда.
Хусусан, вилоятда йўловчи ташиш фаолияти билан шуғулланувчи “Бунёд йўловчи ташиш” корхонаси томонидан Хитойда ишлаб чиқарилган замонавий 30 дона Zong Tong русумли автобуслар келтирилди.
Корхона томонидан “Ўзмиллийбанк” АЖнинг имтиёзли кредитлари асосида қарийб 8 миллион доллар эвазига жами 80 дона Zong Tong русумли автобусларни харид қилинди.
Ангренга 15 та Yutong автобуси олиб келинганди. Зоир Мирзаев 2024 йил октябрида ўтказган ҳокимлик соатида Тошкент вилоятида транспорт соҳасидаги хизматларни яхшилаш учун 1000 та янги автобус харид қилиш бўйича топшириқ берганди.
Транспорт вазирлиги матбуот хизматининг билдиришича, ҳудудларда аҳолига кўрсатилаётган транспорт хизматлари сифатини яхшилаш мақсадида замонавий автобусларни олиб келиш ишлари давом этмоқда. Тошкент шаҳрига яна 1000 та Yutong автобусини олиб келиш имкониятлари ўрганилмоқда. Андижон вилоятига Хитойдан 100 та электробус харид қилиниши режалаштирилган.
- Наманганга хориждан яна 30 та янги автобус олиб келинди.
- Гулистон шаҳри учун 12 та янги автобус олиб келинди.
Ўзбекистонда 113 та янги йўналиш, шу жумладан 56 та автобус йўналиши очилгани маълум қилинди. 2024 йилнинг ўзида ҳудудларда тадбиркорлар 700 та автобус ва 530 дан ортиқ микроавтобус сотиб олди. 2025 йилнинг январь апрель ойларида эса ҳудудларга яна 241 та автобус ва 133 та микроавтобус олиб келинди.
Изоҳ (0)