Xitoy kompaniyasi Qoraqalpog‘iston jamoat transporti infratuzilmasini modernizatsiya qilishda ishtirok etishni rejalashtirmoqda. Bu haqda Qoraqalpog‘iston Vazirlar kengashi xabar berdi.
Ma’lum qilinishicha, Qoraqalpog‘iston Vazirlar Kengashi raisi Farhod Ermanov Datatek technology co.,ltd Datatek Group kompaniyasining raisi Ray Hung boshchiligidagi delegatsiyani qabul qildi. Uchrashuvda tomonlar ekologik toza transport vositalarini joriy etish, zamonaviy to‘lov tizimlarini tatbiq etish va xalqaro tajribalarni mahalliy sharoitga moslashtirish borasida o‘zaro fikr almashdi.
Delegatsiya a’zolari o‘zlarining zamonaviy texnologiyalar va moliyaviy resurslar asosida yirik loyihalarni amalga oshirishga tayyor ekanliklarini bildirdi.
Muzokaralar davomida ikki tomonlama hamkorlik doirasida birinchi bosqichda zamonaviy avtobuslar xaridi va raqamli boshqaruv tizimlarini joriy etish bo‘yicha qo‘shma loyihalarni ishlab chiqish rejalashtirildi.
So‘nggi oylarda hududlarga olib kelingan avtobuslar
May oyida Buxoroga Xitoydan 24 dona Zhongtong avtobuslari xarid qilindi. Yana 12 ta shunday avtobus iyun yakuniga qadar yetib keladi. Urganch shahriga Xitoydan 30 dona Zong Tong rusumli zamonaviy avtobus olib kelindi. Mart oyida Xitoyning Zhongtong Bus kompaniyasida ishlab chiqarilgan 30 ta zamonaviy avtobus Namanganga yetib keldi. Angrenga 15 ta Yutong avtobusi olib kelindi.
Izoh (0)