Ҳиндистоннинг Мадхя Прадеш штатидаги Тикамгар шаҳрида жойлашган Тал Коти саройи остидан йўқолган деб ҳисобланган ноёб ер ости кутубхонаси тасодифан топилди. Ушбу топилмада 50 мингга яқин ноёб нашрлар мавжуд.
Times of India газетасининг хабар беришича, кашфиётни Тикамгар туманининг янги раҳбари Вивек Кшотрия амалга оширган. Унинг айтишича, болалигидан қадимий сарой остидаги “йўқолган кутубхона” ҳақидаги ривоятларни эшитиб келган ва уларни шахсан текширишга аҳд қилган. Унинг сезгиси уни алдамаган: улкан ёғоч эшиклар ортида, ёмғир мавсумида сувли сарой кираверишига деярли етиб келадиган кўл яқинлигига қарамай, яхши сақланган китоблар тўплами борлиги аниқланди.
Нодир китоблар орасида рассом Феликс Тополскийнинг 1944 йилги “Ганди чизгилари” нашри, Британия мустамлакачилиги давридаги гидротехника иншоотлари ҳақидаги асарлар ва XVI асрга оид ноёб санскрит қўлёзмаси “Ананд Вриндаван Чампу” мавжуд. Китобларнинг кўпчилиги собиқ “Орчх” президент кутубхонасининг муҳрларини ўз ичига олган.
Тал Коти саройи бир неча аср олдин Бунделкҳанд тарихий минтақаси ҳукмдорлари томонидан барпо этилган. 1960 йиллардан бери бино давлат коллежи сифатида хизмат қилмоқда. Китоблар тўплами йигирма йил аввалги кутубхоначи даврида китобларнинг йўқолиши билан боғлиқ можародан сўнг муҳрланган эди. Ўшандан бери Кшотрия уни қайта кашф этмагунча, бу тўплам унутилган эди. У аллақачон оммавий мерос кутубхонасини ташкил этиш учун маблағ ажратилишига эришишни бошлаган, термитлар томонидан шикастланган жилдларни сақлаб қолиш учун мутахассисларни жалб қилган ва талабалар, олимлар ҳамда сайёҳлар учун архивга кириш имкониятини яратишни режалаштирмоқда.
Филаделфиянинг Пенсилвания университети Миср—Америка археологик миссияси Мисрнинг жанубидаги Абидос ҳудудида 3600 йил олдин ҳукмронлик қилган номаълум подшоҳнинг қабрини аниқлаганди.
Шунингдек, олимлар Гизадаги машҳур Миср эҳромлари остида жойлашган “улкан ерости шаҳри”ни топганди.
Археологлар Гватемаланинг шимолида тахминан 3000 йил аввал мавжуд бўлган майя шаҳри харобаларини аниқлади. Сақланиб қолган пирамидалар ва ёдгорликлар бу ҳудуд майяликлар учун муҳим маросим маркази бўлганидан дарак беради.
Изоҳ (0)