Деҳли Покистон билан 7 май куни бошланган ҳарбий можарода қирувчи самолётлари уриб туширилганини илк бор тан олди. Бу ҳақда Ҳиндистон қуролли кучлари Бош штаби бошлиғи генерал Анил Чауҳан маълум қилди. Қўмондон бу ҳақда Сингапурда ўтаётган Shangri-La Dialogue хавфсизлик анжуманида айтиб ўтган.
Анил Чауҳан на қандай моделдаги самолётлар уриб туширилгани, на уларнинг моделларини очиқлади. Бироқ у Покистон томонининг олтита қирувчи сафдан чиқарилгани ҳақидаги даъволарини рад этди.
Ижтимоий тармоқларда тарқалган фото ва видео тасвирларда Ҳиндистонга тегишли Rafale ёки Mirage 2000 самолётлари, шунингдек Su-30 ва MiG-29 қирувчиларининг қолдиқлари акс этганини кўриш мумкин. Умумий ҳисобда 5 та самолёт ва бир дрон уриб туширилганини даъво қилинмоқда.
Тўқнашувга 22 апрель куни Кашмирнинг Ҳиндистон назоратидаги Паҳалгам шаҳрида юз берган теракт сабаб бўлди. Ўшанда 26 нафар фуқароси ҳалок бўлган Деҳли айбдор сифатида Исломободни кўрсатди. Шунингдек 6 майдан 7 майга ўтар кечаси “Синдоор операцияси” деб номланган амалиёт бошланди.
CNN хабарига кўа, 7 май куни тонгда юздан ортиқ самолёт замонавий авиация тарихидаги энг йирик ҳаво жангини ўтказган. Унда ҳар икки томон чегараларни кесиб ўтмай, бир соатга яқин узоқ масофали ракеталар учириш билан кифояланган.
Генералнинг айтишича, Ҳиндистон жангнинг биринчи кунидаги хатолардан сабоқ олиб, кейинги ҳужумларни муваффақиятли амалга ошира олган. Икки кундан кейин тактикани ўзгартириб, асосан Покистон ичкарисидаги нишонларга зарба бериш бошланаган.
Қўмондон, шунингдек, Покистон ҳудудидаги бир нечта ҳарбий аэродромлар ва “террорчилик объектлари” нишонга олинганини иддао қилди.
Изоҳ (0)