Тошкент вилояти Бўстонлиқ туманидаги “Кимёгар” оромгоҳида 27–31 май кунлари “Кимё саноати ёш мутахассислари” илмий-интеллектуал форуми бўлиб ўтди. Бу ҳақда “Ўзкимёсаноат” АЖ матбуот хизмати хабар берди.
Ушбу форумда “Ўзкимёсаноат” АЖ тизим корхоналарида фаолият юритаётган ёш мутахассислар, Д.И.Менделеев номидаги Россия кимё технологиялари университети Тошкент шаҳри филиали, Тошкент кимё- технология институти ҳамда Янги Ўзбекистон университети талабалари — жами 200 нафарга яқин ёш мутахассис иштирок этди.
Форум дастури ёшлар учун ҳар томонлама фойдали ва қизиқарли тадбирларга бой бўлди. Дастлабки куни ёшлар Д.И.Менделеев номидаги Россия кимё технологияси университетида бўлиб, унда соҳанинг бўлажак мутахассислари учун яратилган шарт-шароитлар билан яқиндан танишди.
Соънгра иштирокчилар Чирчиқ кимё-индустриал технопаркига ташриф буюрди. Форум қатнашчилари технопаркдаги ишлаб чиқариш жараёнларига бевосита гувоҳ боълди.
Миллий форумнинг тантанали ёпилиш маросимида “Заковат” интеллектуал ўйини, шахмат мусобақаси, “Энг яхши инновацион ғоя” танловида ғолиб бўлган иштирокчилар муносиб тақдирланди. Уларга пул мукофотлари, диплом-сертификатлар, қимматбаҳо эсдалик совғалари топширилди.
Изоҳ (0)