Президенти Шавкат Мирзиёевнинг Будапештга расмий ташрифи Венгриянинг йирик компания ва банклари раҳбарлари билан учрашувдан бошланди, деб хабар бермоқда Президент матбуот хизмати.
Маълум қилинишича, Венгрия томонидан ОТП Банк, BDPST Group, 4иГ, Индотек, МВМ, Дуна Group, МОЛ Group, Ҳ2О Consortиум, Инпарк, Wizz Air ва бошқа кўплаб компанияларнинг топ-менежерлари ва таъсисчилари иштирок этди.
Давлат раҳбари ўз нутқида расмий ташриф Венгрия ишбилармонлари билан учрашувдан бошланаётгани рамзий маънога эга эканини таъкидлади. Венгриянинг Ўзбекистон иқтисодиётига тўғридан-тўғри инвестициялари ўсиб бораётгани қайд этилди. Масалан, ОТП Банк Ўзбекистоннинг йирик банкларидан бирини сотиб олиб, Ўзбекистон молия бозорида барқарор ўрин эгаллади.
-RDvbo4z4.avif)
Компаниянинг автокредитлашни ривожлантириш учун қўшма компания ташкил этиш, бизнесни молиялаштириш дастурини йўлга қўйиш, йирик паррандачилик кластерини қуриш бўйича янги режалари қўллаб-қувватланди.
Саноат кооперациясини кенгайтириш ва илғор технологиялар трансферини рағбатлантириш мақсадида Тошкент вилоятида Европа компаниялари учун махсус саноат зонаси ташкил этилмоқда. Ушбу ҳудудни бошқариш Венгриянинг Инпарк операторига берилади.
Иқтисодий шерикликни кенгайтириш мақсадида Ўзбекистон президенти қатор устувор йўналишларни кўрсатиб ўтди. Қўшма лойиҳаларни биргаликда молиялаштириш ва тайёр маҳсулотларни учинчи мамлакатларнинг истиқболли бозорларига экспорт қилишни қўллаб-қувватлаш шулар жумласидан.
-fgC6n-UF.avif)
Транспорт жиҳатидан ўзаро боғлиқликни кучайтириш, хусусан, юк ташишни кўпайтириш ва икки мамлакат ўртасида тўғридан-тўғри авиақатновларни ривожлантириш муҳимлиги таъкидланди. Давлат раҳбари Венгрия компанияларининг қўшма лойиҳаларни амалга оширишга қизиқишини юксак баҳолади. Ўз навбатида, бизнес вакиллари ҳамкорликни кенгайтириш бўйича таклиф ва режаларини билдирди.
Учрашувда транспорт ва йўл инфратузилмасини модернизация қилиш, логистика марказлари ва коммунал тармоқларни барпо этиш, қурилиш материаллари, тайёр тўқимачилик, кимё, фармацевтика маҳсулотлари ишлаб чиқариш каби йўналишларда янги лойиҳаларни амалга ошириш бўйича келишувларга эришилди.
Сўзининг якунида Шавкат Мирзиёев бундай учрашувларни мунтазам ўтказиб боришни таклиф этди.
“Биз мамлакатларимиз ишбилармон доиралари ўртасидаги мустаҳкам алоқаларни ривожлантириш учун барча шароитларни яратамиз”, деди президент.
Тадбир якунида Ўзбекистон президенти ҳузурида устувор инвестиция лойиҳаларини амалга ошириш бўйича битимлар алмашиш маросими бўлди.
Шавкат Мирзиёевнинг Венгрияга ташрифи
Шавкат Мирзиёев Венгрия бош вазири Виктор Орбаннинг таклифига биноан 2025 йил 19 май куни расмий ташриф билан ушбу мамлакатга рафиқаси билан бирга етиб борди. Самолёт олдида Ўзбекистон етакчисини Венгрия иқтисодий ривожланиш вазири Мартон Над ва бошқа расмий шахслар кутиб олди.
Ташриф доирасида Будапешт шаҳрида олий даражадаги музокаралар, Венгриянинг расмийлари ва етакчи компаниялари раҳбарлари билан учрашувлар ўтказилиши кўзда тутилган. Кун тартибидан мамлакатлар ўртасидаги амалий ҳамкорлик ва стратегик шерикликни янада кенгайтиришнинг долзарб масалалари ўрин олган.
Ўзбекистон етакчиси 21 май куни Туркий давлатлар ташкилоти норасмий саммитида ҳам иштирок этади.
Шавкат Мирзиёевнинг Венгрияга ундан аввалги давлат ташрифи 2022 йил 3–4 октябрь кунлари бўлиб ўтган. Бу ташриф давомида давлат раҳбари Венгрия бош вазири Виктор Орбан билан учрашиб, икки томонлама ҳамкорликни ривожлантириш масалаларини муҳокама қилган. Ташриф якунида Ўзбекистон ва Венгрия ўртасида стратегик шерикликни мустаҳкамлашга қаратилган 15 та ҳужжат имзоланган. 2023 йил августида эса ушбу давлатга амалий ташриф билан борганди. Унда Виктор Орбан билан учрашув ўтказиб, Ўзбекистон билан Венгрия ўртасидаги стратегик шерикликни янада мустаҳкамлаш ва кўп қиррали ҳамкорликни кенгайтириш масалаларини муҳокама қилди.Етакчилар Будапешт шаҳрида енгил атлетика бўйича жаҳон чемпионатининг эркаклар ўртасида 100 метр масофага югуриш бўйича финал баҳсини томоша қилди.
Изоҳ (0)