Тошкент вилоятида 22 ёшли қизни Россияга фоҳишалик учун олиб кетаётган аёл қўлга олинди. Бу ҳақда вилоят ИИББ матбуот хизмати хабар берди.
Маълум қилинишича, Ангрен шаҳрида яшовчи 1971-й.т. аёл (Х.Т.) ўзига таниш бўлган 2003-й.т. қиз (З.А.)ни алдаб, мўмай даромад топишга ишонтириб, Тошкент халқаро аэропорти орқали Россиянинг Санкт-Петербург шаҳрига фоҳишалик учун олиб кетаётган вақтида билан ушланган.
Маълумотларга кўра, аёл ва 22 ёшли қизнинг Россияга бориш учун йўл ҳақи ва бошқа харажатлари Санкт-Петербургда яшовчи Зуля исмли аёл томонидан қопланган.
Бунинг эвазига қиз кейинчалик фоҳишалик билан шуғулланиши керак бўлган. Шунингдек, аёл қизни етказгани учун Зулядан маълум миқдорда ҳақ олишга келишган.
Ҳозирда ушланган шахсга нисбатан Қибрай тумани ИИБ ҳузуридаги Тергов бўлими томонидан Жиноят кодексининг 135-моддаси (одам савдоси) 2-қисми “а”, “з” бандлари билан жиноят иши қўзғатилган. Тергов ҳаракатлари олиб борилмоқда.
Одам савдоси жинояти учун жазо чоралари кучайтирилаётгани муносабати билан Жиноят кодексининг 135-моддасига ўзгартириш киритиш тўғрисидаги қонун 2024 йил 17 сентябрда Қонунчилик палатасида қабул қилиниб, Сенат томонидан 2024 йил 21 декабрда маъқулланганди. Қонун расмий эълон қилинган кундан эътиборан кучга кирди.
ИИВ маълумотларига кўра, Ўзбекистонда 2024 йилда одам савдоси жиноятини содир этган 219 нафар шахсга нисбатан қонуний чоралар кўрилиши таъминланган.
Изоҳ (0)