Ижтимоий тармоқларда Қозоғистонда COVID-19 коронавируси аниқланган икки нафар Ўзбекистон фуқароси «енгил табиатли» қизлар эканлиги тўғрисида тарқалган хабарлар ҳақиқатга тўғри келмайди. Бу ҳақда Манғистов полиция департаментига таяниб, «Lada.kz» хабар берди.
«Интернетда коронавирус аниқланган икки нафар Ўзбекистон фуқароси фоҳишалик билан шуғуллангани ҳақида хабарлар тарқалди. Улар 14-микрораёндаги 38-сонли уйдаги квартирада ижарада турган ва аввалроқ касаллик аниқланган 11-мирораёндагилар билан алоқада бўлган.
Ушбу маълумот ҳақиқатга тўғри келмайди. Пандемия фонида ёлғон ахборот тарқалиши мумкин, аҳоли бунга тайёр бўлиши керак. Барча тўғри хабарлар ишончи манбалар томонидан тарқатилишини унутмаслик керак. Ёлғон ахборот тарқатганлик учун жавобгарлик бор», — дейилади идора хабарида.
Мавзуга доир: Ўзбекистонда коронавирус қайд этилган беморлар сони ва улар даволанаётган ҳудудлар бўйича маълумот берилди
Изоҳ (0)