Ўзбекистонда генератор соҳасида танилган Sany power энди янги ном — Seer power сифатида фаолият юритади.
Тошкент шаҳрида компания ребрендингига бағишланган тантанали тадбир ўтказилди. Тадбирда беш йил давомида эришилган ютуқлар, келгусидаги режалар тақдим этилди.
Компания иш бошқарувчиси Саидолимхон Султонмуродовнинг айтишича, Seer power генераторлари қисқа вақт ичида сифат жиҳатдан республикада етакчига айланди.
“Ўзбекистонда Sany power бренди остида 5 йил фаолият юритдик. Хитойдаги заводимиз бутун дунё бўйича кенгайгани учун Seer power groupʼга ребрендинг қилдик. Маҳсулотларимизга талаб йилдан йилга ошиб бормоқда. Айниқса, ишлаб чиқариш соҳасида генераторларга қизиқиш юқори.
Бу йил Тошкент вилоятида янги генератор заводини очишни мақсад қилганмиз. Seer Power ўз мижозларига 3 киловаттдан 1500 киловаттгача қувватдаги генераторларни таклиф қилади. Кичик генераторлар бензинда, катталари дизель ва газда ишлайди. Генератор сотиб олдингизми, бизда унга сервис кўрсатиш имкониятлари ҳам бор. Ходимларимиз ўз вақтида, айтилган манзилга бориб хизматларни тақдим этади”, дейди мутахассис.
Генератор кучли мотор билан ишлагани учун ўзидан шовқин чиқаради. Seer power генераторлар шовқинини пасайтириш устида ҳам ишламоқда. Масалан, ўтган йили товуши 85 дБ бўлган генераторлар шовқини бу йил 75 дБга туширилган. Шу билан бирга, ускуналар ички қисмлари доим янгиланиб борилади.
“Бизда Perkins, Cummins, Caterpillar каби дунёга машҳур моторлар бўйича ҳам ҳамкорлик бор. Агар шундай мотор керак бўлса, буюртма асосида етказиб берамиз. Seer Powerʼда барча керакли эҳтиёт иқсмлар, хизматлар ва мутахассислар тайёр”, деди Саидолимхон Султонмуродов.
Яқинда Тошкент шаҳрида ташкил этилган Энергетика ҳафталиги доирасида катта кўргазма ўтказилган эди. Ҳафталикда АҚШ, Хитой, Германия, Британия ва бошқа ривожланган давлатлардан жами 465 та компания қатнашди. Кўргазмада Seer power ҳам ўзининг янги моделдаги генераторларини намойиш қилди.
Компания менежери Дай Ман кўргазмада қатор мижозлар орттиришга эришилганини айтди.
“Кўп тадбиркорлар билан танишдик. Асосийси, йирик нефть-газ компаниялари билан шартнома имзолашга ҳам эришдик. Мисол учун, Самарқанд вилоятидаги 300 ва 500 киловаттлик генераторларга буюртма олдик. Улар дизель ёнилғисида ишлайди. Яна бир нечта нефть-газ компаниялари бизнинг газда ишлайдиган генераторларга қизиқиш билдирди. Уларни қатор лойиҳаларига шарнома имзолаш арафасидамиз”, деди мутахассис.
Seer power сотувдан ташқари, хизмат кўрсатиш бўйича ҳам фаол иш олиб бормоқда. Масалан, генераторлар ижарага ҳам берилади.
Тўй, тадбир ёки меҳмон келган пайт свет ўчса, Seer power билан боғланиш мумкин. Мутахассислар 1-2 соат ичида генератор етказиб, улаб беради. Генераторлар ижарага 1 суткадан 2 ойгача тақдим этилади.
Изоҳ (0)