Футбол бўйича Ўзбекистон Суперлигасининг 11-туридан ўрин олган учрашув 24 май, шанба куни бўлиб ўтди.
Унда Фарғонанинг “Нефтчи”си ўз уйида Ғузорнинг “Шўртан”ини қабу қилди. 6-дақиқадаёқ ғузорликлар вакили Жўрабек Маннонов қизил карточка олиб, майдондан четлатилди.
Ўйинда ҳисоб биринчи бўлим охирида очилди. 45+2-дақиқада Боян Сигер гол урди. Иккинчи бўлимнинг 65-дақиқасига келиб эса Жамшид Исландеров ҳисобни иккитага оширди. 82 ва 84-дақиқаларда Иброҳимҳалил Йўлдошев ҳамда Билолхон Тошмирзаев томонидан киритилган голлар фарғоналикларнинг ғалабасини таъминлади.
Ушбу ғалаба билан фарғоналиклар 19 очко билан 4-ўринга кўтарилди. Ғузорликлар эса ҳамон 5 очко билан сўнгги поғонада бўлиб турибди.
Изоҳ (0)