«Ўзбекнефтгаз» АЖ тизимидаги завод, бошқармалар ва ташкилотлар ҳамда Бирлашган касаба уюшма қўмитаси ва унинг таркибидаги бошланғич касаба уюшма ташкилотлари томонидан ишчи-ходимларнинг фарзандларини ёзги таътил вақтларини мазмунли ўтказишларини ташкил этиш мақсадида қатор ижобий ишлар амалга оширилиб келинмоқда.
Жорий йилнинг ёзги мавсум давомида жамият тассарруфидаги Муборак нефть ва газ қазиб чиқариш бошқармасига қарашли «Ёш алангачи», Муборак газни қайта ишлаш заводига қарашли «Ниҳол», Шўртан нефть ва газ қазиб чиқариш бошқармасига қарашли «Беруний», Шўртан газ кимё мажмуасига қарашли «Лочин», Бухоро нефтни қайта ишлаш заводига қарашли «Нефтчи» номли болалар соғломлаштириш оромгоҳларида 10 мингга яқин болаларни дам олишлари режалаштирилди.
Хусусан, ёзги мавсумнинг биринчи навбатида 2250 нафар, иккинчи навбатида 2784 нафар бола дам олди. Мавсумнинг учинчи навбатида 2612 нафар болаларни лагерларга қабул қилинди.
Оромгоҳнинг фидойи жамоасига, болалар учун барча шароитларни яратиб бераётган «Ўзбекнефтгаз» АЖ ҳамда Муборак газни қайта ишлаш заводига миннатдорлик тариқасида биринчи даражали диплом тақдим этилди.
Ушбу оромгоҳ Қашқадарё вилояти, Яккабоғ туманида жойлашган бўлиб, бу еда болаларни дам олишлари учун барча шароитлар яратилган. Хусусан, чўмилиш хавзалари, спорт мажмуалари, тўгараклар, кутубхоналар, маданий дам олиш учун мўлжалланган саҳналар мавжуд.
Шунингдек, турли маданий-маърифий, кўнгилочар тадбирлар уюштириб келинмоқда. Оромгоҳнинг ва ёпилиш очилиш маросими, «Оромгоҳ маликаси», «Жажжи рақс маликаси» каби шеърият, мусиқа ва рақс кечалари, қувноқлар ва зукколар беллашувлари, либослар кўргазмаси, спорт тадбирлари, рассомчилик, бадиий безак, моҳир қўллар сингари бир қатор тадбирлар шулар жумласидан.
Ушбу тадбирлар болажонларнинг ўзига бўлган ишончнинг юксалишига, она ватанимизга бўлган меҳри ортишига, дунёқараши ҳамда билим савиялари ўсишига катта туртки бўлиб келмоқда.
«Ўзбекнефтгаз» АЖ Матбуот хизмати
Изоҳ (0)