Ўзбекистон Кубоги. “Нефтчи” ва “Бунёдкор” муроса йўлини танлади. “Бухоро” сўнгги дақиқаларда гол ўтказиб, ғалабани қўлдан чиқарди

Футбол бўйича Ўзбекистон Кубоги гуруҳ босқичи 1-туридан ўрин олган қатор учрашувлар 12 апрель, чоршанба куни ўтказилди.

C гуруҳида “Бухоро” клуби “Турон” билан баҳс юритди. Учрашувнинг 29-дақиқасида Обид Жўрабоев бухороликларни олдинга олиб чиққан бўлса, яйпанликлар бунга сўнгги дақиқаларда Милан Боёвичнинг киритган тўпи билан жавоб қайтарди.

Аввалроқ гуруҳнинг дастлабки ўйинида “Шўртан” жамоаси “Янгиер”ни мағлуб этганди.

D гуруҳи вакиллари “Нефтчи” ва “Бунёдкор” жамоалари ўртасидаги учрашувда ҳисоб очилмади. Гуруҳнинг яна бир ўйинида “Металлург” ва “Юниред” жанговар дуранг қайд этди. Шу тариқа 1-турдан кейин барча жамоалар 1 очкодан бўлишиб олди.

Ўзбекистон Кубоги

Гуруҳ босқичи, 1-тур

12 апрель, чоршанба

“Бухоро” – “Турон” 1:1

Голлар: 1:0 – 29 Обид Жўрабоев, 1:1 – 90+4 Милан Боёвич.

“Нефтчи” – “Бунёдкор” 0:0

“Металлург” – “Юниред” 2:2

Голлар: 1:0 – 44 Ҳусниддин Ғофуров, 1:1 – 55 Асомиддин Маматов, 1:2 – 67 Муроджон Шамсиддинов, 2:2 – 89 Иброҳим Ибрагимов.