Футбол бўйича Ўзбекистон Суперлигасининг 1-туридан ўрин олган баҳс 8 март, шанба куни бўлиб ўтди.
Унда Тошкентнинг “Бунёдкор” жамоаси Фарғонанинг “Нефтчи” жамоасини қабул қилди.
Учрашувнинг 8-дақиқасида Нажмиддин Нормуродов ҳисобни очди. Орадан 7 дақиқа ўтиб эса Зоран Марушич гол уриб, мувозанатни тиклади.
Иккинчи бўлим ҳам қизиқарли бошланди. 46-дақиқасидаёқ Иброҳимҳалил Йўлдошев жамоасини ҳисобда олдинга олиб чиқди. 73-дақиқага келиб эса Ицуки Урата ҳисобни тенглаштирди.
Ўйин сўнггига қадар қатор вазиятлар яратилди, аммо ҳисоб ўзгармай қолди.
Икки жамоа ҳам ўз ҳисобларига бир очкодан ёздириб қўйди.
Изоҳ (0)