Ўзбек клублари ОФК Кубогидаги 50 ўйинда 30 та ғалаба қайд этди

«Сўғдиёна» ОФК Кубоги гуруҳ босқичи 2-турида Тожикистоннинг «ЦСКА» жамоаси устидан ғалаба қозонди.

Ушбу ўйин Ўзбекистон клублари учун ОФК Кубоги доирасидаги 50-ўйин бўлди, дея хабар беради футбол мутахассиси Алишер Никимбаев.

«Нефтчи» ўз дебютини нишонлаган 2009 йилдан буён 4 та жамоа ушбу мусобақа доирасида 50 та ўйин ўтказган. ОФК Кубогида «Насаф» 25 та, «Нефтчи» 16 та, «Шўртан» 7 та, «Сўғдиёна» 2 та ўйинда майдонга тушган.

Бу ўзбек клублари учун ОФК Кубоги доирасидаги 30-ғалаба бўлди. Қаршининг «Насаф» клуби ҳисобида 19 та, «Нефтчи»да 7 та, «Шўртан» ва «Сўғдиёна»да 2 тадан ғалаба мавжуд.

Улуғбек Бақоев шогирдларининг муваффақиятидан сўнг Ўзбекистон клубларининг ОФК Кубогида жамғарган очколари 101 тага етди. «Насаф» ҳисобида 60 очко, «Нефтчи»да 26, «Шўртан»да 9 ва «Сўғдиёна»да 6 очко мавжуд.

Жиззахликлар кейинги ўйинини 30 июнь куни «Алтин Аср»га (Туркманистон) қарши ўтказади.