Англиянинг “Манчестер Сити” клуби 2025/26 йилги мавсум учун янги уй либосини расман тақдим этди. Германиянинг Puma бренди бу йил ҳам “шаҳарликлар” учун махсус кийим яратган.
Клуб расмий сайтида билдирилишича, бу сафарги форма “диагонал белбоғ” элементига эга бўлган. Ушбу чизиқ аввалги мавсумлардаги сафар либосларида мавжуд бўлиб, энди асосий форма дизайнига киритилди.
Маълумотларга кўра, эркаклар жамоаси АҚШда бўлиб ўтадиган Клублар ўртасидаги Жаҳон чемпионати пайти янги либосда майдонга тушади.
Эслатиб ўтамиз, “Манчестер Сити” айни пайтда Англия Премьер Лигаси турнир жадвалида тўртинчи ўринда бормоқда. Чемпионликни “Ливерпуль” муддатидан олдин қўлга киритди. Европа Чемпионлар Лигаси ҳам “Сити” учун муваффақиятсиз якунлади. Клуб 2012/13 йилги мавсумдан буён илк бор 1/8 финалга чиқа олмади.
Изоҳ (0)