Angliya Premyer Ligasi 37-turidan o‘rin olgan bahsda “Manchester Siti” o‘z maydonida “Bornmut” ustidan ishonchli g‘alabaga erishdi — 3:1.
Pep Gvardiola shogirdlari birinchi bo‘limdayoq ustunlikni qo‘lga kiritishdi. 14-daqiqada Omar Marmush hisobni ochgan bo‘lsa, 38-daqiqada Bernardu Silva jamoasining ikkinchi golini kiritdi. Ikkinchi bo‘limda maydonda vaziyat yanada keskinlashdi. 67-daqiqada Mateo Kovachich qizil kartochka olib, jamoasini 10 kishi qoldirdi. Shunga qaramay, “shaharliklar” ustunlikni saqlab qolishdi. 73-daqiqada “Bornmut” a’zosi Kuk Lyuis ham maydondan chetlatildi.
89-daqiqaga kelib, Niko ajoyib tarzda to‘pni darvozaga yo‘llab, hisobni 3:0 ko‘rinishiga olib keldi. So‘nggi daqiqalarda “Bornmut” oradagi farqni qisqartira oldi — 90+6’da Daniyel Jebbison hisobni 3:1 ko‘rinishiga keltirdi.
Ushbu natijadan so‘ng “Manchester Siti” ochkolarini 68 taga yetkazdi.
Ma’lumot uchun, o‘zbekistonlik futbolchi Abduqodir Husanov qaydnomaga kirtilmadi.
Angliya Premyer Ligasi
37-tur
20-may, seshanba
“Manchester Siti” — “Bornmut” 3:1
Gollar: 1:0 — Marmush (14), 2:0 — Silva (38), 3:0 — Niko (89), 3:1 — Jebbison (90+6).
Izoh (0)