Қизил йўлакларда ўзи гавдалантирган қаҳрамон образида кўриниш берган юлдузлар (фото)

Фильм премьераларига ташриф буюриш учун ўзи суратга тушган фильм қаҳрамонларининг образидан илҳомланган машҳурлар ҳақида маълумот бериб ўтамиз.

Бейонсе «Қирол шер»нинг премьерасида

«Қирол шер»нинг премьерасига ташриф буюрган хонанда эътибор жалб қилиш бўйича фарзандли бўлганидан кейин илк бор кўриниш берган Меган Марклни ҳам ортда қолдирган. Бейонсе дизайнер Cong Tri томонидан машҳур мультфильмга хос сариқ рангли матодан тикилган либосни кийишни афзал билган.

Кира Найтли «Қарсилдоқ» (Шелкунчик) премьерасида

Кира эса «Қарсилдоқ ва тўрт қироллик» мультфильмининг премьерасига Лейт Кларк томонидан тикилган, «тортга ўхшаш» оқ кўйлакда ташриф буюрган.

Кира Найтли «Колетт» премьерасида

«Қарсилдоқ» премьерасидан бир неча ой аввал «Колетт» илк бир экран юзини кўрган. Кира унда ХХ аср бошларида яшаган ёзувчи ролини ижро қилган. Қаҳрамонининг феъл-атворига урғу бериш учун у фильм тақдимотига костюм-шим ва оқ кўйлак кийиб келган.

Марго Робби «Бир куни Голивудда» фильмининг премьерасида

Канн шаҳрида бўлиб ўтадиган премьера учун Марго Робби «Бир куни Голливудда» ўзи гавдалантирган Шерон Тейтнинг услубидан илҳомланган. Chanel’дан елка қисми очиқ, оқ либос кийган актриса соч турмаги ҳам Шеронникига ўхшашига ҳаракат қилган.

Эмбер Хёрд «Аквамен»нинг премьерасида

Эмбер Лондонда бўлиб ўтган премьерага «ҳақиқий океан қироличаси» образида ташриф буюрган. Valentino’дан яшил кўйлак танлаган актриса бош кийими билан ўзига хос кўринишга эга бўлган.

Люпита Нионги «Биз» фильмининг премьерасида

«Биз» фильмини томоша қилганлар Люпитанинг премьерага кийиб келган кийими бежизга эмаслигини билиши мумкин.

Анжелина Жоли «Малифисента»нинг премьерасида

Анжелина Жоли ҳам «Малифисента»нинг премьерасига ўзи гавдалантирган қаҳрамон образида, қора кўйлакда ташриф буюрган.

Эмили Блант «Мери Поппинс»нинг премьерасида

Эмили Блант фильмнинг премьерасига кийиб келган кийими, қаҳрамони образидан ҳам кўра ўша кундаги «қизил бўлмаган» йўлак рангига мос бўлган.

Лили Жеймс «Золушка» премьерасида

Disney маликаси ҳақидаги фильмга Лили Жеймс мовий ранг либос ва Jimmy Choo томонидан тақдим қилинган пойабзалда ташриф буюрган.

Эмма Уотсон «Соҳибжамол ва махлуқ» фильмининг премьерасида

Эмма Уотсон суратга тушган яна бир Disney маликаси ҳақидаги фильм 2017 йил экран юзини кўрган. Актриса фильмнинг барча премьерасида ҳақиқий Белл сингари кўринган. Лондондаги тақдимотда Эмма Emilia Wiskcstead томонидан тикилган ўзига хос либосда ташриф буюрган.

Гал Гадот «Мўъжизакор аёл»

«Мўъжиза аёл» юлдузи фильм премьерасига Givenchy брендининг қизил либосида ташриф буюрган.

Блейк Лайвли «Оддий имтиёз» фильмининг премьераси

Блейк Лайвли «Оддий имтиёз» фильмининг премьерасига оч пушти костюм-шимда ташриф буюрган.

Блейк Лайвли «Изқувар Пикачу»нинг премьерасида

«Изқувар Пикачу»нинг премьерасида Блейк Лайвли ёрқин сариқ рангли либосда борган.