«Қанча оддий бўлса, шунча яхши». Мода ортидан қувмайдиган Голливуд юлдузлари (фото)

«Қанча оддий бўлса, шунча яхши» — Аманда Сейфрид, Кристен Стюарт, Анжелина Жоли ва бошқа бир қанча юлдузлар мазкур шиорга амал қилади. Wday нашри қизил гиламда ҳашаматли кийинса-да, кундалик ҳаётда оддий кийинадиган, «тренд» сўзи улар учун ҳеч қандай маънога эга эмаслигини исботлаган машҳурлар ҳақида маълумот беради.

Кристен Стюарт

Голливуднинг баъзи машҳурлари ҳам тенденциялардан узоқлашишни афзал кўришади. Улар орасида Кристен Стюарт ҳам бор, у ўзининг кийим танлаши билан мухлислари ва мода ихлосмандларини тез-тез ҳайратга солади. Қизил гиламда у кўпинча Balenciaga ёки Chanel каби машҳур брендларнинг авангард кийимларини афзал кўради. Бироқ бошқа вақтларда Кристен бутунлай бошқача кийинади.

Унинг шкафини асосан тор жинси шимлар, Converse кроссовкалари ва кенг футболкалар ташкил этади. Баъзан у пайпоқларини жинси устидан тортиб олиши ҳам мумкин. Актрисанинг уйда эскирган кроссовкалар ва толстовкаларнинг битмас-туганмас захираси борга ўхшайди.

Анжелина Жоли

Анжелина Жоли ҳам модага умуман амал қилмайди. Гардеробининг аксарият қисми оддий, баъзан «шаклсиз» кийимлардан иборат. Юлдуз қора рангга алоҳида меҳр қўйган. Бундай кийиниш услубининг афзалликлари бор: соддалиги ва нафислиги туфайли Жоли ҳеч қачон энг дидсиз машҳурлар рўйхатига киритилмайди.

Шуни алоҳида таъкидлаш керакки, актрисанинг шкафида жуда кўп нафис ва ихчам либослар ҳам мавжуд, масалан, жиддий костюмлар ёки оқ блузкалар. Юлдуз уларни кундалик кийимдек кийишдан тортинмайди.

Жоди Фостер

Жоди Фостер камдан кам ҳолларда қизил гиламда пайдо бўлади ва жуда сирли ҳаёт кечиради. Бир неча йил олдин у шахсий ҳаётини янада эҳтиёткорлик билан яшира бошлади.

Баъзи ҳамкасблари сингари актриса замонавий кийимларга мутлақо бефарқ. Унинг учун асосий нарса қулайлик ва ихчамликдир, шунинг учун унинг танлови — текис шимлар, кроссовкалар, кўйлаклар ва жилетлар.

Аманда Сейфрид

Аманда Сейфрид севимли ити билан Нью-Йорк ёки Лос-Анжелесда сайр қилишни яхши кўради. Бундай пайтда у қулай кийим кияди.

Эскирган футболкалар, чўзилган спорт шимлари, спорт леггингслари, мини шортилар, югуриш пойабзаллари, узун курткалар – оддий, кўзга ташланмайдиган кийимлар актрисанинг эътиборга тушмаслигига ёрдам беради.

Женнифер Гарнер

Женнифер Гарнер олиласи учун карьерасидан воз кечганига анча бўлган. Юлдуз фильмларда тез-тез суратга тушмайди, лекин эри ва болаларини доим қўллаб-қувватлайди. Фарзандларни тарбиялаш ва уй ишлари билан шуғулланиш ҳам оғир иш, актёрликдан осон эмас.

Эҳтимол, шунинг учун Женнифер кундалик ҳаётда муҳим оилавий масалалар ва баъзан ҳатто бизнес учун қулай бўлган кийимларни кийишни афзал кўради. У кенг оддий свитерлар ва плашли кўйлаклар билан жинси шим кияди.

Жулиана Мур

Жулианна Мур баъзи машҳурлардан фарқли ўлароқ, битта либосни бир неча марта кийишдан тортинмайди. Актрисанинг бундай «севимли» кийимлари жуда кўп. Кўчада юлдузни таниш амримаҳол.

«Инсоният фарзанди» фильми юлдузи ва Канн кинофестивалининг «Олтин палма новдаси» соҳибасини оддий қора куртка ва замш этикда ҳеч ким танимаса керак.