Kann kinofestivalining doimiy ishtirokchilari ro‘yxatiga sanoqli ayollar kiradi. Bu, albatta, Ayshvariya Ray, supermodel Bella Hadid va turk aktrisasi Hande Erchel.
“Qalbim eshigini qoq” serialining yulduzi Pomellato brendining taklifiga binoan Yevropa kinofestivaliga uchib keldi. Brend Kruazett sohilidagi qizil gilamda zargarlik sanʼatining eksklyuziv bezaklarini namoyish etdi. Va Pomellato brendining ambassadori Hande har safar ularni ajoyib tarzda namoyish etadi.
Hande Erchel Kann kinofestivali doirasida “Uddalab bo‘lmas topshiriq: yakuniy jazo” filmi premyerasida ishtirok etdi. Taqdimot marosimiga aktrisa Giambattista Valliʼning kutyur kolleksiyasidan pushti patlar bilan bezatilgan ko‘ylakda keldi.
Nozik qo‘shimcha sifatida Aquazzuraʼdan shaffof ko‘rinmas poyabzallar yorqin obrazga mukammallik bag‘ishladi.
Handening bu yangi obraziga Pomellato marjoni yanada tantanavorlik baxsh etdi. “Akvamarin orzusi” oliy zargarlik sanʼati to‘plamidagi durdonalar: 37,98 qirot og‘irlikdagi zanjir va 15,95 qirot og‘irlikdagi kulon bilan bezatilgan bo‘lib, ular O‘rta yer dengizining maftunkor moviyligini aks ettiradi.
Izoh (0)