Тошкентдан Сурхондарёга йўловчи сифатида борган бола ЙПХ ходимини ҳам судраб, Cobalt олиб қочди. Бу ҳақда вилоят ИИБ хабар берди.
Маълум қилинишича, 7 май куни соат 22:18 ларда ички ишлар бўлимига бу бўйича хабар келиб тушган. Ҳолат ўрганилиб, вилоят миқёсида тўсиб ушлаш режаси қўлланилган. Машина Жарқўрғон туманига етгач ички ишлар ходимларининг тўхташ ишорасига бўйсунмай айланма йўллар орқали қочган. У ҳатто тўсилган дарвозани ҳам уриб қочган.
Cobalt шу куни соат 23:40 ларда ходимлар томонидан тўсиб ушлаб тўхтатиб қолинган.
“Қарзим бор эди шу сабабли олиб қочдим. 1хбет дан 2 минг доллар қарзга ботган эдим. Машинани бериб пул олиб турмоқчи эдим. Қилган ишимдан пушаймонман. Ҳаром ўйинлар ўйнаманглар, охирини мана кўриб турибсизлар”, дейди бола.
Аниқланишича, транспорт воситасини ўғирлаган шахс Тошкентдан Термизгача шу автомашинада йўловчи сифатида ҳаркатланиб келган. Ҳолат юзасидан жиноят иши қўзғатилди.
Бундан аввал таниқли сўз устаси Шукурулло Исроиловга тегишли Mercedes-Benz русумли автомобиль ўғирлаб кетилгани хабар қилинганди. Шунингдек, Тошкентдан олиб қочилган Equinox “Қамчиқ” довонида ушланган эди.
Изоҳ (0)