Тошкент вилояти Бекобод туманида Damas “пешеход”дан ўтаётган пиёдани босиб кетди. Вилоят ЙҲХБ ҳолат юзасидан маълумот берди.
Маълум қилинишича, ҳолат 10 май куни соат тахминан 11:00 ларда Тошкент вилояти Бекобод шаҳар, Турон кўчасида содир бўлган. 1999 йилда туғилган Н.Ж. Damas’ни бошқариб кетаётган вақтида пиёдалар ўтиш жойидан йўлни кесиб ўтаётган 1992 йилда туғилган пиёда А.А.ни уриб юборган.
Ушбу йўл-транспорт ҳодисаси оқибатида пиёда тан жароҳати олиб, Бекобод шаҳар марказий шифохонасига етказилган. Ҳозирда ҳолат юзасидан Бекобод шаҳар ИИБ томонидан суриштирув ишлари олиб борилмоқда.
Ҳурматли ҳайдовчилар видео тасвирда кўриб турганингиздек, ҳайдовчи йўл ҳаракати қоидаларига амал қилмасдан пиёдалар ўтиш жойидан ўтаётган пиёдани уриб юбориб йўл-транспорт ҳодисаси содир этмоқда. Барчангиздан ушбу тасвирлардан хулоса қилган ҳолда йўл ҳаракати қоидаларига амал қилишингизни сўраб қоламиз, дейилади хабарда.
ЙТҲлар статистикаси
Ўзбекистонда 2025 йилнинг дастлабки уч ойида ЙТҲ содир этиши оқибатида 891 нафар шахс судланди.
2024 йил давомида Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан 3 321 нафар шахс судланган. Уларнинг 917 нафарига озодликдан маҳрум қилиш жазоси, 2 404 нафарига эса озодликдан маҳрум қилиш билан боғлиқ бўлмаган жазолар тайинланган.
2025 йилнинг I чораги мобайнида ушбу модда билан 891 нафар шахс судланиб, уларнинг 173 нафарига озодликдан маҳрум қилиш жазоси тайинланган.
Шунингдек, 718 нафар фуқарога озодликдан маҳрум қилиш билан боғлиқ бўлмаган жазолар тайинланди.
Апрель ойидаги ЙТҲлар
- Самарқандда автобус ва юк машинаси иштирокида ЙТҲ содир бўлди.
- Фарғонадаги автоҳалокатда Damas иккига бўлиниб кетди (видео).
- Наманганда ижарага машина олган мактаб ўқувчилари аварияга учради.
- Тошкентда Л7 уриб юборган Cobalt ариққа тушиб кетди (видео)
- Тошкентда Hyundai билан тўқнашган мотоцикл ҳайдовчиси ҳалок бўлди (видео)
- Жиззахда Tracker юқори тезликда келиб, дўконга урилди (видео)
Изоҳ (0)