Қирғизистонда 11 май куни ҳарбийлар туяқуш ҳолатида, яъни қўллари ёрдамисиз бошларини полга эггани акс этган видео тарқалди. Мазкур видео ортидан фавқулодда вазиятлар вазири Бообек Эргешевичга қаттиқ ҳайфсан берилди.
Видеода ҳарбийларга нисбатан ҳақоратли ва камситувчи сўзлар ишлатилган. Ҳодиса 2025 йил февраль ойида вазирликнинг ҳарбий бўлинмаларидан бирида содир бўлгани аниқланган. Ҳолат юзасидан ФВВнинг тегишли бўлинмалари иштирокида хизмат текшируви бошланган.
Текширув натижаларига кўра, йўл қўйилган қонунбузарликларга алоқадор бўлган мансабдор шахслар эгаллаб турган лавозимидан олинган. Ҳолат юзасидан Қирғизистон Жиноят кодексининг 138-моддаси 2-қисми 2-банди ва 3-қисми 1-банди (“Қийноққа солиш”) билан жиноят иши қўзғатилган.
Фавқулодда вазиятлар вазири юклатилган вазифаларни лозим даражада бажармагани учун унга қаттиқ ҳайфсан интизомий жазо чораси қўлланган. Тегишли фармойишни президент Садир Жапаров имзолаган.
Изоҳ (0)