Россиядаги Ғалаба парадларида хорижий давлатлар раҳбарлари, ҳарбийлар ва хорижий дипломатлар доимо иштирок этиб келган. Бироқ, Россиянинг Украинага босқинидан сўнг, ҳатто Россияга дўст бўлган давлат раҳбарлари ҳам Москвага ташрифдан бош тортди.
Қирғизистон раҳбари Садир Жапаровнинг ташрифи бундан мустасно эди. Жапаровнинг Москвага нега ташриф буюриши ҳақида Марказий Осиё бўйича эксперт Аркадий Дубнов маълум қилди.
Мутахассисга кўра, Садир Жапаров рад этиб бўлмайдиган таклифнома олган.
“Кремль камида битта президентнинг ушбу муҳим тадбирда иштирок этишини хоҳлайди. Бу ролни Молдова раҳбари Игор Додон ва Тожикистон раҳбари Эмомали Раҳмон ижро этганди. Ўшанда улар ҳақиқатан ҳам Москванинг ёрдамига муҳтож эди”, — дейди Дубнов.
Нега Путин Лукашенкони таклиф қилмади? Беларусь собиқ СССР ҳудудидаги славян дунёсининг бир қисмидир ва ўз ҳудудида ядро қуролини жойлаштиришга тайёр. Бу мамлакатни Россия федерациясининг вассали деб аташ мумкин. У билан муносабатларда ҳамма нарса аниқ.
Қирғизистон Марказий Осиёдаги энг “руссофил” (русларни севувчи) давлатдир. Путин мамлакатнинг Москва билан яқинлашиш йўлидан боришига ишонч ҳосил қилиши керак.
Қирғизистон ҳам Россияни, ҳам Кремль душман деб атаган Ғарб давлатларини қўллаб-қувватлайди. Бу ерда у Беларусдан фарқли ўлароқ, озми-кўпми эркиндир.
Президентлар алмашадиган саволларга келсак, у бир нечта мавзуларни қамраб олади. Садир Жапаров қирғиз-тожик чегарасидаги вазият ҳақида гапиради, деди сиёсатшунос.
“Россия раҳбари Украинадаги ‘махсус ҳарбий операцияси’ ҳақида ўз фикрини билдиради ва АҚШнинг Россияга қарши санкциялар бўйича кескин музокаралари муносабати билан Жапаровга ҳамдардлик билдиради. Путин Қирғизистон келажакда ўзини қандай тутишини билмоқчи. У Американи рози қилиш учун Россияга хиёнат қилмайдими?”, — дейди эксперт.
Қирғизистон маҳсулоти импортига яқинда қўйилган тақиқ Россия Қирғизистон ўз сиёсатини Ғарбга қаратишга қарор қилса, шеригига қандай муносабатда бўлишига мисол бўла олади.
Ғарб давлатларининг муносабатига келсак, бу ерда ҳаммаси учрашув натижаларига боғлиқ бўлади. Қирғизистон ўзини мустақил тутса, АҚШ аралашмайди.
“Россия билан ҳамкорликнинг чуқурлашиши билан Бишкек АҚШдан молиявий кўмак олишни тўхтатиши мумкин, халқаро ташкилотлар ёпилади ва мамлакат чуқур иқтисодий инқирозга юз тутади”, — дея хулоса қилди Дубнов.
Маълумот учун, Москвада Ғалаба куни муносабати билан ўтказиладиган байрам тадбирларига хориждан ягона етакчи — Қирғизистон раҳбари Садир Жапаров ташриф буюради. Сабаби республика раҳбари Садир Жапаров 9 май арафасида Москвага келиши ва парадда иштирок этишини айтгани қайд этилган. Песков нима учун хорижий етакчиларга таклифнома юборилмагани ҳақида маълумот берган.
Изоҳ (0)