Lego ўйинчоғидан ясалган афсонавий Polaroid фотоаппарати тақдим этилди

Lego Ideas фан платформаси 516 дона лего деталидан йиғилган машҳур OneStep SX-70 тезкор камерасини тақдим этди.

Polaroid SX-70 йиғиладиган тезкор камера бўлиб, 1972 йилда компания асосчиси Эдвин Ҳ. Ланд томонидан чиқарилган ва хитга айланган эди. 1977 йилда бўлса, OneStep деб номланган арзонроқ версияси пайдо бўлган. Айнан шу модел Lego Ideas’ни ўзларининг Polaroid’ларини яратишга илҳомлантирди.

Лойиҳа ғояси Minibrisk Productions YouTube канали бошловчисига тегишли. Унинг сўзларига кўра, OneStep’ни яратишга бир ойдан сал кўпроқ вақт кетган.

Конструкция 516 та деталдан иборат бўлиб, Time-Zero Supercolor Land Film Фотокарталари ҳам лего кубикларидан ясалган.

Polaroid OneStep SX-70 2024 йил 1 январда кенг сотувга чиқиши режалаштирилмоқда.