Ҳаётда ҳеч нарсани олдиндан айтиб бўлмайди. Баъзида омад бизни хаёлимизга ҳам келмаган жойда кутади. Престон Мутанга — ўн тўрт ёшли мактаб ўқувчиси билан ҳам худди шу воқеа содир бўлди. У Marvel мултьфильми — “Ўргимчак одам: Коинотлар аро” устида ишлашга таклиф қилинди. Қуйида у қандай қилиб бу ишга лойиқ кўрилгани ҳақида сўз боради.
Гап шундаки, Престон бир ярим йилдан бери YouTube каналини бошқариб келади. У ўз каналига Lego услубида яратилган анимацияларни жойлаб боради. Бундан ташқари, Престон бу ишларни жуда сифатли қилади. Қишда ёш рассом “Ўргимчак одам: Оламлар тўри” мултьфильмининг трейлерини яратди. Мултьфильм продюсерлари унга эътибор қаратди.
“Биз 14 ёшли ўсмир ушбу видеороликлар устида ишлаётганини билиб олдик ва бу унинг ёшидаги инсонлар учун мураккаб иш эканини ўйладик. Унинг иши барчани, жумладан, дунёдаги энг яхши аниматорларни ҳам ҳайратда қолдирди”, — дейди мултьфильм продюсери.
Шундан сўнг, лойиҳа ижодкорлари мактаб ўқувчиси билан боғланиб, унга “Ўргимчак одам” фильмидаги бутун саҳнани ишониб топширди. Престон бу вазифа билан баҳорги таътил пайтида ҳам, мактабдан кейин, кечқурун ҳам шуғулланган. Мултьфильм 2 июнь куни намойиш этилди.
Изоҳ (0)