“Барселона” бош мураббийи Ҳанси-Дитер Флик Каталония клубидан кетганидан сўнг мураббийлик фаолиятини якунлаши мумкин. Бу ҳақда Mundo Deportivo нашри хабар бермоқда.
Аввалроқ “Барселона” Флик билан шартномани 2027 йилгача узайтиришга келишиб олгани ҳақида хабарлар тарқалган эди. Манбага кўра, Ҳанси-Дитер бир неча бор мураббийлик фаолиятини узоқ давом эттириш нияти йўқлигини билдирган. Сабаби у оила аъзоларига яқинроқ бўлишни, улар билан кўпроқ вақт ўтказишни истаётганини айтган, шу боис “Барселона”даги фаолиятидан сўнг катта эҳтимол билан мураббийлик карьерасини якунлайди. Ҳозирча немис мутахассиси ўзида куч ва мотивация борлигини таъкидламоқда, чунки унинг бошқарувида жамоа яхши натижа кўрсатмоқда.
Фликнинг “Барселона” билан амалдаги шартномаси 2026 йилгача мўлжалланган. Жорий мавсумда у клуб билан икки совринни — Испания Кубоги ва Испания Суперкубогини қўлга киритди.
Изоҳ (0)