Футбол бўйича Европа Чемпионлар Лигасининг чорак финалида “Барселона” “ПСЖ”га имкониятни бой бериб, мусобақани тарк этди.
Ўйиндан сўнг Париж клуби УЕФАга шикоят хати йўллади. Унда “Барселона” мухлислари томонидан футболчи Усмон Дембелега нисбатан ирқчилик кайфиятидаги ишоралар қилингани, ҳақоратлар бўлгани айтиб ўтилган.
Биринчи ўйиндан олдин ҳам “Барселона”нинг икки мухлиси нацистик ишора қилгани учун қўлга олинганди.
Натижада, УЕФА “Барселона”ни 32 минг евро жаримага тортди. Шунингдек, кейинги бир йил давомида ушбу ҳолат яна такрорланса, “кўк-анорранглилар” мухлислари навбатдаги меҳмондаги ўйинга қўйилмайдиган бўлди.
Эслатиб ўтамиз, ярим финалга йўл олган “ПСЖ” “Боруссия Д” билан финал йўлланмаси учун кураш олиб боради.
Изоҳ (0)