ФИФА 27 февраль, душанба куни мавсумнинг энг яхшиларига The Best соврларинини топширди.
Йилнинг энг яхши ўйинчиси сифатида “ПСЖ” клуби ва Аргентина терма жамоаси ҳужумчиси Лионель Месси эътироф этилди.
Ушбу совринга, шунингдек, франциялик футболчилар Килиан Мбаппе (“ПСЖ”) ва Карим Бензема (“Реал”) даъвогарлик қилганди.
Йилнинг энг яхши мураббийи номига Аргентина терма жамоаси бош мураббийи Лионель Скалони муносиб топилди. Ушбу совринга даъвогарлар учлигида Карло Анчелотти (“Реал”) ва Хосеп Гвардиола (“Манчестер Сити”) бор эди.
Аргентина терма жамоасининг яна бир вакили Эмилиано Мартинес (“Астон Вилла”) йилнинг энг яхши дарвозабонига айланди. Бу борада Мартинесга Тибо Куртуа (“Реал”, Бельгия) ва Яссин Буну (“Севилья”, Марокаш) рақобатчи бўлганди.
Йилнинг энг чиройли голи муаллифига топшириладиган “Пушкаш соврини”га полшалик Марчин Олекси лойиқ кўрилди.
ФИФА ва FIFPro талқинига кўра йил рамзий терма жамоаси
Дарвозабон: Тибо Куртуа (“Реал”, Бельгия);
Ҳимоячилар: Ашраф Ҳакими (“ПСЖ”, Марокаш), Жоау Канселу (“Манчестер Сити”, Португалия), Виржил ван Дейк (“Ливерпуль”, Нидерландия);
Ярим ҳимоячилар: Кевин де Брюйне (“Манчестер Сити”, Бельгия), Лука Модрич (“Реал”, Хорватия), Каземиро (“Манчестер Юнайтед” / “Реал”, Бразилия);
Ҳужумчилар: Лионель Месси (“ПСЖ”, Аргентина), Килиан Мбаппе (“ПСЖ”, Франция), Карим Бензема (“Реал”, Франция), Эрлинг Ҳоланд (“Манчестер Сити” / “Боруссия Д”, Норвегия).
Шунингдек, қуйидаги совринлар ўз эгаларига топширилди:
- Энг яхши футболчи (аёллар) — Алексия Путеляс (“Барселона”, Испания);
- Энг яхши дарвозабон (аёллар) — Мери Эрпс (“Манчестер Юнайтед”, Англия);
- Энг яхши мураббий (аёллар) — Сарина Вигман (Англия аёллар терма жамоаси);
- Энг яхши мухлислар — Аргентина терма жамоаси мухлислари;
- Фейр-плей соврини — Лука Локошвили (ўйин вақтида рақиб футболчисини сақлаб қолишга ёрдам берган);
- Maxсус соврин — Пеле.
Совриндорлар 2021/22 йилнинг мавсумнинг бошланишидан ЖЧ—2022 нинг тугашигача бўлган даврдаги натижалар бўйича аниқланди.
Изоҳ (0)