33 ёшли бразилиялик ҳужумчи Неймар қишки трансфер ойнасида ўзининг илк клуби — “Сантос”га қайтди. У клуб билан июнь ойининг охиригача мўлжалланган қисқа муддатли шартнома имзолади. Бу эса футболчининг яқин орада Европага қайтмоқчи эканидан далолат беради, дейилмоқда.
Испаниянинг Спорт газетасининг ёзишича, Неймар “Барселона”га қайтишни мақсад қилган. У 2017 йилда “ПСЖ”га ўтганида клуб билан муносабатларини чиройли якунлай олмаганди. Энди эса каталониялик мухлислар билан муносабатларни ажойиб тарзда якунлашни истайди.
Бироқ “Барселона” клубининг унга эшик очишга тайёр ёки тайёр эмаслиги ҳозирча номаълумлигича қолмоқда.
Маълумот учун, Неймар футбол тарихидаги энг қиммат трансфер қилинган футболчи ҳисобланади. 2017 йилда “ПСЖ” уни “Барселона”дан 222 миллион еврога сотиб олган эди.
Изоҳ (0)