Чикаго университети тадқиқотчилари Қуёшда содир бўлаётган глобал ўзгаришлар туфайли беш миллиард йилдан сўнг Ерда ҳаёт барҳам топишини таҳмин қилишди. Бу ҳақда The Planetary Science Journal ва “Главний регионал” телеканали хабар бермоқда.
Мутахассисларнинг таъкидлашича, юлдузнинг қариши натижасида Қуёш тизимидаги бир нечта сайёра йўқ бўлиб кетиши мумкин.
Қуёшда ҳарорат кўтарилиши билан Ерда карбонат ангидрид гази миқдори ортиб, ўсимликлар нобуд бўлади. Натижада уларсиз сайёрада кислород йўқолади.
“Агар ўсимликлар нобуд бўлса, кислородга боғлиқ бўлган бошқа организмлар ҳам яшай олмайди”, дейилади мақолада.
Шу билан бирга, тадқиқотчилар инсониятнинг ўша пайтгача етиб боришига кафолат бера олмайдилар. Уларнинг фикрича, одамзоднинг ҳалок бўлишига Қуёшнинг қариши эмас, балки вулқонларнинг оммавий отилиши ёки литосфера плиталарининг тектоник ҳаракати сабаб бўлади.
Дунёдаги энг йирик электр станцияси ҳисобланган, ўрнатилган қуввати 22,5 ГВт бўлган Хитойнинг “Уч дара” гидроэлектр станцияси Ернинг айланишини секинлаштиргани хабар қилинганди. НАСА Годдард космик парвозлар маркази геофизиги Бенжамин Фонг Чаонинг айтишича, улкан тўғон куннинг 0,06 микросекундга узайишига ва сайёра ўқининг 2 сантиметрга силжишига сабаб бўлган.
Лондон университети коллежи олимлари сайёрани совитиш учун янги самолётлар яратиш ўрнига мавжудларидан фойдаланиш мумкинлигини аниқлади. Бу усул атмосферага қуёш нурини қайтарувчи ва Ер ҳароратини пасайтирувчи майда заррачалар қўшиш орқали амалга оширилади.
Қуёш юзасида улкан коронал “тешик” пайдо бўлгани, у Қуёш айланасининг чорак қисмини қамраб олиши хабар қилинганди. Маълум қилинишича, тешик Ер томонга юқори тезликда қуёшли шамоллар тўлқинини тарқатиши мумкин. Бу эса сунъий йўлдошларга зарар етказиши ва Ерда қутб ёғдуларини келтириб чиқариши кутилмоқда.
Изоҳ (0)