А Серия. Элдор Шомуродов гол урган ўйинда “Рома” мағлубиятга учради

Футбол бўйича Италия А Сериясининг 2-турида “Рома” 25 август, якшанба куни “Эмполи”га қарши баҳс олиб борди. 

Биринчи бўлимнинг охирида “Эмполи” футболчиси Гяси ҳисобни очди. 

Иккинчи бўлимда ҳам меҳмонлар ҳужумлар уюштирди ва пенальти ишлаб олди. 61-дақиқада Коломбо ушбу пенальтини аниқ амалга оширди.

77-дақиқада эса Элдор Шомуродов захирадан майдонга туширилди. Орадан 3 дақиқа ўтиб, ўзбекистонлик футболчи боши билан дарвозани ишғол этди ва ҳисобни қисқартирди. Бироқ қолган дақиқаларда дарвозалар дахлсиз қолди ва “Рома” 1:2 ҳисобида мағлубиятга учради.

А Серия

2-тур баҳси

25 август, якшанба

“Рома” — “Эмполи” 1:2

Голлар: 0:1 – 45 Гяси, 0:2 – 61 Коломбо (пенальти), 1:2 – 80 Шомуродов.

“Рома”: Свилар, Анхелино, Ндика, Манчини, Челик (Залевски, 46), Соулэ (Шомуродов, 77), Дибала, Пеллегрини, Паредес (Балданси, 63), Кристанте (Ле Фе, 62), Довбик.

“Эмполи”: Васкес, Вити, Исмайли, Валюкевич, Фассини (Стоянович, 88), Солбаккен (Эспозито, 58), Песселла (Какаче, 63), Мале (Хаас, 63), Хендерсон, Гяси, Коломбо (Эконг, 87).

Огоҳлантиришлар: Мале (26), Солбаккен (58), Какаче (84).