Футбол бўйича Европа Лигаси 1/8 финал босқичи доирасидаги “Рома” — “Атлетик” учрашуви бўлиб ўтди. Қизиқарли ўтган баҳсда Рим клуби 2:1 ҳисобида ғалаба қозонди.
“Рома”нинг голларига Анхелинё ва Элдор Шомуродов муаллифлик қилган бўлса, меҳмонлар томонидан киритилган ягона тўп Инаки Уильямс номига ёзилди.
Sofascore портали учрашувнинг энг яхши футболчиси дея Инаки Уильямсни топди — 7,8 балл.
Римликларга ғалаба келтирувчи гол муаллифи Элдор Шомуродов эса 7,3 баллга лойиқ кўрилди. Майдонда 19 дақиқа ҳаракат қилган ўзбекистонлик футболчи 12 бора тўпга тегинди. Дарвоза томон битта аниқ зарба йўллади ва битта гол уришга эришди. У шерикларига 8 та пас узатган ва унинг 7 мартаси манзилга аниқ етиб борган. Майдонда тўп учун 3 марта кураш олиб борган Шомуродов 1 мартасида ғалаба қозонди.
“Рома”нинг ўйиндаги энг яхши футболчиси сифатида Элдорнинг голига ассист берган Алексис Салемакерс топилди — 7,8 балл. Зеки Челик эса Sofascore томонидан 7,5 балл билан баҳолади. Римликларнинг биринчи голи муаллифи Анхелинё 7,4 балл билан “Рома”нинг ўйиндаги энг яхши 3-футболчисига айланди. Артём Довбик 6.5 балл билан римликларнинг ўйиндаги энг ёмон баҳоланган футболчиси бўлди.
“Атлетик” сафида энг яхши ҳаракат қилган футболчи Инаки Уильямс бўлган бўлса (7.8), майдондан четлатилган Йерай Альварес энг ёмон баҳога лойиқ кўрилди — 6.3.
Маълумот учун, ушбу жамоалар ўртасидаги жавоб учрашуви 13 март куни Бильбаодаги “Сан Мамес” стадионида бўлиб ўтади.
Изоҳ (0)