Ўзбекистон олимпия терма жамоаси июнь ойидаги FIFA кунларида Франция олимпия терма жамоасига қарши ўртоқлик ўйинида майдонга тушади. Бу ҳақида Ўзбекистон футбол ассоцацияси матбуот хизмати хабар бермоқда.
Манбага кўра, Ўзбекистон U-23—Франция U-23 жамоалари ўртасидаги беллашув 4 июнь куни “Орлеанс” стадионида бўлиб ўтади.
FIFA кунларида ўтадиган баҳс 2028 йилда Лос Анжелесда ўтадиган ёзги олимпиада ўйинлари саралаш босқичига тайёргарлик вазифасини ўтаб беради.
Аввалроқ, Равшан Ҳайдаров Ўзбекистон олимпия терма жамоасига мураббий этиб тайинлангани хабар қилинган эди.
Шунингдек, Олимпия ўйинларининг дастурларига бир қатор аниқликлар киритилгани ҳамда футбол баҳсларида эркаклар учун 12 та квота ажратилгани маълум қилинди.
Изоҳ (0)