2028 йил Лос-Анжелесда бўладиган ёзги Олимпия ўйинларининг дастурларига бир қатор аниқликлар киритилмоқда. Жумладан, футбол баҳсларида эркаклар учун 12, аёллар учун 16 жамоага квота ажратилади. Бу ҳақида Миллий Олимпия қўмитаси матбуот хизмати хабар берди.
Сўнгги Олимпия ўйинларида бунинг акси, яъни эркаклар жамоалари учун 16, аёллар учун эса 12 та квота белгиланган эди. Бу йилдан аёллар футболига ҳам катта эътибор қаратилмоқда. Шу боис 2028 йилги Олимпия ўйинларида аёллар жамоаси учун кўпроқ квота белгилангани хабар қилинган.
Маълумот учун, 2024 йилги Олимпия ўйинларида Ўзбекистон U-23 терма жамоаси ҳам қатнашган эди. Темур Кападзе бошчилигидаги футболчилар гуруҳда Испания, Миср ва Доминикан Республикасига қарши баҳс олиб борган ва 1 очко тўплаган ҳолда мусобақадаги иштирокини якунлаган.
Изоҳ (0)