“Барселона” клубининг 36 ёшли ҳужумчиси Роберт Левандовски Саудия Арабистонидан бўлаётган қизиқишлар ҳақда гапирди. “Ан-Насср” ва “Ал-Ҳилол” клублари футболчини ўз сафида кўриш ниятида.
“Мен ъБарселонаъда ўзимни яхши ҳис қиляпман. Жамоа ва мухлислар билан муносабатларим яхши. Мен бу ерда бахтлиман ва бошқа клубда ўйнаш вариантини кўриб чиқмаяпман”, дея Левандовскининг сўзларини келтиради Polsat Sport нашри.
Жорий мавсумда Левандовски барча турнирларда 30 та ўйинда иштирок этиб, 29 та гол ва 3 та голли узатмага муаллифлик қилди. Футболчининг амалдаги меҳнат шартномаси 2026 йилнинг ёзигача мўлжалланган. Transfermarkt порталида келтирилган маълумотларга кўра, унинг бозор қиймати 15 миллион еврони ташкил қилади.
“Барса” клуби Ла Лиганинг 21 туридан сўнг 42 очко тўплаб 3-ўринда бормоқда. Европа Чемпионлар Лигаси умумий босқичининг 7 туридан сўнг жамоа 18 очко тўплаб 2-ўринни эгаллаб турибди. Каталония бугун, 29 январь куни 8-турда “Аталанта”га қарши майдонга тушади.
Изоҳ (0)