Футбол бўйича Германия Бундеслигасининг сўнгги, 34-туридан ўрин олган ўйинлар 14 май, шанба куни бўлиб ўтди.
Чемпионлик масаласини ҳал қилган «Бавария» «Вольфсбург» майдонига сафар қилиб, 2:2 ҳисобида дуранг ўйнади. Мюнхенликлар дастлабки бўлимда Йосип Станишич ва Роберт Левандовскининг голлари эвазига ҳисобда олдинга чиқиб олди. Бироқ иккинчи 45 дақиқаликда «Вольфсбург» кетма-кет 2 та гол уриб, мувозанатни тиклади. Голларга Ёнас Винд ва Макс Крузе муаллифлик қилди.
«Боруссия Д» ўз майдонида «Ҳерта»дан устун келди. 18-дақиқада Исак Белфодил пенальтидан гол уриб, ҳисобни очди. 68-дақиқада эса мезбонлар фойдасига 11 метрлик жарима зарбаси белгиланди, пенальтини Эрлинг Ҳоланд аниқ амалга оширди. Учрашув якунланиши арафасида Юссуфа Мукоко «арилар»га ғалаба келтирган голга муаллифлик қилди — 2:1.
Шу тариқа Германия Бундеслигасининг 2021/22 йилги мавсуми ўз ниҳоясига етди. 31-турда чемпионликни қўлга киритган «Бавария» мавсумни 77 очко билан, иккинчи ўриндаги дортмундликлар эса 69 очко билан тугатди.
Мавсум натижаларига кўра «Бавария», «Боруссия Д», «Байер», «Лейпциг» (ЕЧЛ), «Унион Берлин» (Европа Лигаси), «Frayburg» (Конференциялар Лигаси) Еврокубоклар йўлланмасини қўлга киритди. «Арминия» ва «Гройтер» қуйи лигага равона бўлди, «Ҳерта» эса элитада қолиш учун плей-офф ўйинида майдонга тушади.
Бундеслига
34-тур баҳслари
14 май, шанба
«Вольфсбург» – «Бавария» 2:2
Голлар: 0:1 – 17 Станишич, 0:2 – 40 Левандовски, 1:2 – 45 Винд, 2:2 – 58 Крузе.«Вольфсбург»: Кастелс, Баку, Брукс (Борнаув, 90), Лакруа, ван де Вен (Руссиён, 72), Герҳардт (Вранкс, 72), Арнольд, Шлагер, Винд, Крузе (Филипп, 83), Нмеча (Бялек, 83).
«Бавария»: Нойер (Фрюхтл, 81), Эрнандес, Упамекано, Станишич, Дэвис (Ричардс, 81), Горетцка, Гнабри (Сане, 67), Киммих (Видович, 81), Мусиала, Мюллер (Шупо-Мотинг, 60), Левандовски.
Огоҳлантиришлар: Нмеча (42), Упамекано (77), Ричардс (88).
«Боруссия Д» – «Ҳерта» 2:1
Голлар: 0:1 – 18, пенальти Белфодил, 1:1 – 68, пенальти Ҳоланд, 2:1 – 84 Мукоко.«Боруссия Д»: Бюрки, Жан (Байно-Гиттенс, 46), Аканжи, Загаду (Pongрачич, 82), Геррейру, Вольф, Витцель (Мукоко, 83), Брандт, Беллингҳем, Ройс, Ҳоланд (Рейнер, 90).
«Ҳерта» – Лотка, Пекарик, Боята, Кемпф, Платтенхардт, Миттельштедт (Беркан, 65; Боатенг, 88), Тузар, Сердар (Дарида, 56), Аскасибар (Ёветич, 88), Эккеленкамп (Рихтер, 46), Белфодил.
Огоҳлантиришлар: Аскасибар (66), Платтенхардт (66).
Изоҳ (0)