France Fooтбалл нашри 2022 йилнинг энг яхши футболчисига топшириладиган «Олтин тўп» соҳибини маълум қилди.
Унга кўра, «Реал» клуби ва Франция терма жамоаси ҳужумчиси Карим Бензема йилнинг энг яхши ўйинчиси деб топилди.
Шу тариқа Бензема фаолиятида илк бор «Олтин тўп»га эга чиқди. Ўтган йили Лионель Месси ушбу совринга эга чиққанди. 2020 йилда эса соврин коронавирус пандемияси туфайли топширилмади ва Месси амалдаги ғолиб бўлиб турганди. 2018 йилда эса «Реал» ярим ҳимоячиси Лука Модрич совринга лойиқ кўрилган.
Карим 2022 йилда мадридликлар билан Испания Чемпионати, Чемпионлар Лигаси, Испания Суперкубоги ва УЕФА Суперкубогида зафар қучди.
«Бавария» футболчиси Садио Мане футболдан ташқарида қилаётган хайрия ишлари учун «Сократес» номидаги мукофотини қўлга киритди.
«Барселона» ҳужумчиси Роберт Левандовски «Герд Мюллер» номидаги мукофотга сазовор бўлди.
«Олтин тўп—2022» совринга даъвогарлик қилган футболчилар кучли ўнлиги билан танишинг:
1. Карим Бензема (Франция, «Реал»);
2. Садио Мане (Сенегал, «Ливерпуль»);
3. Кевин де Брюйне (Бельгия, «Манчестер Сити»);
4. Роберт Левандовски (Польша, «Барселона»);
5. Муҳаммад Салоҳ (Миср, «Ливерпуль»);
6. Килиан Мбаппе (Франция, «ПСЖ»);
7. Тибо Куртуа (Бельгия, «Реал»);
8. Винисиус Жуниор (Бразилия, «Реал»);
9. Лука Модрич (Хорватия, «Реал»);
10. Эрлинг Ҳоланд (Норвегия, «Боруссия Д»/«Манчестер Сити»).
- Гави («Барселона») — йилнинг энг яхши ёш футболчиси;
- Алексия Путелияс («Барселона») — йилнинг энг яхши аёл футболчиси;
- Тибо Куртуа («Реал») — йилнинг энг яхши дарвозабони;
- «Манчестер Сити» (Англия) — йилнинг энг яхши клуби.
Изоҳ (0)