Жанубий Корея икки давлат чегарасидан ўтувчи демаркация чизиғини кесиб ўтган Шимолий Корея аскарлари гуруҳига огоҳлантирувчи ўт очди. Бу ҳақда Жанубий Корея Қўшинлар Бош Штаблари Қўшма Қўмитаси маълум қилди.
Бугун қуролсизлантирилган ҳудуднинг шарқий қисмида Шимолий Корея армиясининг 10 дан ортиқ ҳарбий хизматчиси ҳарбий демаркация чизиғини бузди. Шу сабабли бизнинг қуролли кучларимиз огоҳлантириш бериб, огоҳлантирувчи ўт очди. Шундан сўнг Шимолий Корея ҳарбийлари шимолга қайтиб кетди, дейилади баёнотда.
Қўшимча қилинишича, Жанубий Корея ҳарбийлари қуролсизлантирилган ҳудуддаги демаркация чизиғи устидан назоратни кучайтирган ва вазиятни диққат билан кузатиб бормоқда.
Бундан олдин Шимолий Корея раҳбари Ким Чен Ин расмий очилишидан аввал мамлакатдаги биринчи компьютер клубига ташриф буюрганди. Муассаса Пхеньян шаҳрининг Хвасон туманидаги янги осмонўпар бинода жойлашган. У 300 нафар ўйинчига мўлжалланган бўлиб, пойтахт аҳолисининг моддий ва маданий фаровонлигини оширишга қаратилган.
Изоҳ (0)