Тошкент шаҳрининг Сергели туманида уй ичида қулфланиб қолган ногиронлиги бўлган кекса аёлга ёрдам кўрсатилди. Бу ҳақда ФВВ матбуот хизмати хабар берди.
Маълум қилинишича, Сергели туманининг 3-даҳасида жойлашган кўп қаватли уйларнинг бирида хонадон эшиги қулфланиб, уй ичида ногиронлиги бўлган кекса аёл қолиб кетган.
Воқеа жойига туман ФВБ қутқарувчилари етиб борган ва махсус асбоб-анжомлар ёрдамида темир эшик очиб берилган. Ногиронлиги мавжуд кекса аёл яқинларига соғ-саломат топширилган.
2023 йилнинг июлида Қашқадарё вилояти Нишон туманида уй ичида қолиб кетган ёш бола қутқарилганди. 2025 йилнинг март ойида Самарқандда уй ичида қулфланиб қолган қизалоқ қутқарилган эди.
27 март куни Қашқадарёда қутқарувчилар томонидан лифт ичида қулфланиб қолган болалар соғ-саломат қутқарилган эди.
Изоҳ (0)