Toshkent shahrining Sergeli tumanida uy ichida qulflanib qolgan nogironligi bo‘lgan keksa ayolga yordam ko‘rsatildi. Bu haqda FVV matbuot xizmati xabar berdi.
Maʼlum qilinishicha, Sergeli tumanining 3-dahasida joylashgan ko‘p qavatli uylarning birida xonadon eshigi qulflanib, uy ichida nogironligi bo‘lgan keksa ayol qolib ketgan.
Voqea joyiga tuman FVB qutqaruvchilari yetib borgan va maxsus asbob-anjomlar yordamida temir eshik ochib berilgan. Nogironligi mavjud keksa ayol yaqinlariga sog‘-salomat topshirilgan.
2023-yilning iyulida Qashqadaryo viloyati Nishon tumanida uy ichida qolib ketgan yosh bola qutqarilgandi. 2025-yilning mart oyida Samarqandda uy ichida qulflanib qolgan qizaloq qutqarilgan edi.
27-mart kuni Qashqadaryoda qutqaruvchilar tomonidan lift ichida qulflanib qolgan bolalar sog‘-salomat qutqarilgan edi.
Izoh (0)