Тошкент шаҳрида лифт ичида қулфланиб қолган бола соғ-саломат қутқарилди, деб хабар бермоқда ФВВ ахборот хизмати.
Келтирилишича, куни кеча, соат 22:55 да Юнусобод тумани 8-даҳасида жойлашган кўп қаватли уйларнинг биридаги лифт қулфланиб қолгани, уни ичида бир нафар бола қолиб кетгани тўғрисида 112 тизими орқали ФВБга хабар келиб тушган.
Хабарга кўра, зудлик билан айтилган манзилга туман ФВБ қутқарувчилари етиб борган. Махсус асбоб-анжомлар ёрдамида лифтни очиб, бола қутқарилган ҳамда ота-онасига соғ-омон топширилган.
27 март куни Қашқадарёда қутқарувчилар томонидан лифт ичида қулфланиб қолган болалар соғ-саломат қутқарилган эди.
- Тошкентда ичида одамлари билан тушиб кетган лифт текширилганда ўндан ортиқ камчиликлар аниқланди.
- Тошкентда лифт ичида одамлар билан тушиб кетди — видео.
Тошкент шаҳар ҳокимининг “Тошкент шаҳрида иқтисодиёт тармоқлари, ижтимоий ва энергетика соҳа объектлари ҳамда кўп қаватли уй-жой фондини 2025/2026 йиллар куз-қиш даврида барқарор ишлашга тайёрлаш чора-тадбирлари тўғрисида”ги қарори қабул қилинди. Қарорда Тошкентда 2025 йил охиригача 452 та лифт янгиланиши белгиланди.
Кўп қаватли уйларнинг лифтларини бошқариш ва мониторинг қилиш бўйича “Хавфсиз лифт” ягона идоралараро платформаси ишлаб чиқилаётгани ҳақида хабар берилганди.
Изоҳ (0)