Андижон вилояти Булоқбоши туманида 27 март куни уй ичида қулфланиб қолган болалар қутқариб қолинди. Бу ҳақда Фавқулодда вазиятлар вазирлиги хабар қилди.
Қайд этилишича, Булоқбоши тумани «Қумгузар» МФЙ Намунали кўчасида жойлашган кўп қаватли уйнинг хонадонларидан бирда яшовчи фуқаро туман ФВ бўлимига қўнғироқ қилиб, эҳтиётсизлик оқибатида эшик қулфланиб қолгани ва хонадонда 3 нафар ёш болалари қолиб кетганини маълум қилган.
Айтилган манзилга етиб борган ФВВ қутқарувчилари махсус асбоб-анжомлар ёрдамида хонадон эшигини очиб, уй ичида қолган болаларни онасига соғ-саломат топширган.
«Барча ота-оналардан фарзандларини назоратсиз ва ёлғиз қолдирмасликни сўраб қоламиз», — дейилади хабарда.
Изоҳ (0)