Тошкент вилояти Олмалиқ шаҳрида 14 ёшли боланинг боши симёғочга кириб қолди. Бу ҳақда Фавқулодда вазиятлар вазирлиги хабар берди.
Маълум қилинишича, 9 июнь куни соат 16:54 да вилоят ФВБга 14 ёшли бола Тўмарис кўчаси бўйлаб велосипедда ҳаракатланиб кетаётган вақтда бошқарувни йўқотиб, йўл четига ўрнатилган бетон электр таянчига урилгани ва таянчдаги тешикка боши кириб қолгани тўғрисида хабар келиб тушган.
Зудлик билан айтилган манзилга ФВВ қутқарувчилари етиб бориб, махсус асбоб-анжомлар ёрдамида болага амалий ёрдам кўрсатилган ва тез-тиббий ёрдам ходимларига топширилган. “Боланинг аҳволи яхши”, — дейилади хабарда.
ФВВ томонидан қутқарилган болалар
2020 йилда Нукусда тақиқланган жойда чўмилиб, сувда чўкаётган бола қутқарилган, бироқ бола билан бирга чўмилган маст эркак оқиб кетганди. 2022 йил июнда Қашқадарё вилоятининг Чироқчи туманида артизан қудуғига тушиб кетган бола қутқарилган эди. Шунингдек, Фарғона шаҳридаги кўп қаватли уйларнинг бирида хонадон эшиги қулфланиб қолиши оқибатида ичкарида ёлғиз қолган икки нафар бола, шу йилнинг май ойида эса Наманганда икки ва уч ёшли бола ёнғиндан қутқарилганди.
Изоҳ (0)