Сирдарё вилояти Мирзаобод туманида инсон ҳаёти сақлаб қолинди, деб хабар бермоқда ФВВ ахборот хизмати.
Келтирилишича, 1 апрель куни соат 11:10 да Сирдарё вилояти Мирзаобод тумани “Дўнгариқ” МФЙ ҳудудида ҳайдовчи бошқарувида бўлган Hohan русумли юк автомашинаси йўл транспорт ҳодисаси оқибатида катта ариққа тушиб кетган. Ҳайдовчи эса олган тан жароҳати оқибатида юк автомашинанинг ичида қолиб кетгани тўғрисида вилоят ФВБга хабар келиб тушган.
Хабарга кўра, воқеа жойига етиб борган ФВБ ёнғин-қутқарув отряди қутқарувчилари томонидан ҳайдовчи қутқарилиб, малакали тиббий ёрдам кўрсатиш учун шифохонага юборилган. Ҳайдовчининг аҳволи яхши.
Бундан аввал ФВВ қутқарувчилари Наманган вилояти Янгиқўрғон туманида ёнғинда қолган икки нафар болани дераза орқали қутқариб қолган эди.
Шунингдек, Фарғона вилояти Фарғона туманида 40 метрли қудуққа тушиб кетган фуқаро қутқарилган эди. Самарқандда эса ҳожатхонадан чақалоқ қутқарилган.
Изоҳ (0)