ФВВ қутқарувчилари Чирчиқ дарёсида оқиб келаётган фуқаро ҳаётини сақлаб қолди.
Вазирлик матбуот хизматининг маълум қилишича, Тошкент шаҳар ФВБ қутқарувчилари Янгиҳаёт тумани ҳудудидан оқиб ўтувчи Чирчиқ дарёсида хизмат олиб бораётган вақтда бир фуқаро сувда хушсиз ҳолда оқиб келаётганини кўрган.
Қутқарувчилар зудлик билан қутқариш ишларини олиб бориб, ушбу фуқарони сувдан олиб чиққан ва биринчи тиббий ёрдам кўрсатган. Шундан сўнг малакали тиббий ёрдам кўрсатиш мақсадида тиббиёт ходимларига топширган. Ҳозирда унинг аҳволи яхши.
-pq71ocDy.jpg)
Маълум бўлишича, ушбу фуқаро балиқ тутиш мақсадида дарёга борганда оёқ кийими сувга тушиб кетган ва уни оламан деб тушган вақтда дарё суви тез оқаётгани сабабли мувозанатни йўқотиб, ўзи ҳам оқиб кетган.
Изоҳ (0)