Испаниянинг Сердедо Котобад муниципалитетидаги Н-541 трассасида автобус Лерез дарёсига қулаб тушди. Оқибатда олти киши ҳалок бўлди, икки киши жароҳатланди.
Хабарга кўра, кучли ёмғир йўлни ювиб юборгани туфайли автобус дарёга қулаган.
Бахтсиз ҳодиса ҳақида қутқарувчиларга биринчи бўлиб воқеа жойидан ўтиб кетаётган ҳайдовчи хабар берган. Кейинроқ автобусдаги йўловчидан қўнғироқ бўлган, у салон сувга тўлганини айтган.
Икки киши — автобус ҳайдовчиси ва бир йўловчи қутқариб қолинди, улар касалхонага жўнатилди.
Кўприк атрофида қидирув-қутқарув операцияси якунланди, муҳандислар ҳозирда Лерез дарёсидан автобус вайронасини хавфсиз олиб чиқиш йўлини изламоқда.
Изоҳ (0)