Наманган шаҳрида ўзини Шимолий Фарғона каналига ташлаган аёл қутқариб, олиб чиқилди, деб хабар бермоқда вилоят ФВБ матбуот хизмати.
Вилоят ИИБ Навбатчилик қисмидан олинган маълумотга кўра, 11 июль куни соат 16:30 атрофида Наманган шаҳар Давлатобод тумани «Ўрта Ровустон» МФЙ ҳудудидан оқиб ўтувчи Шимолий Фарғона канали қирғоғида шахси номаълум аёл киши ўзини сувга ташламоқчи бўлиб тургани ҳақида 102 қисқа рақамига фуқаролардан мурожаат келиб тушган.
Мурожаатга асосан зудлик билан воқеа жойига Наманган вилояти Фавқулодда вазиятлар бошқармаси Ёнғин-қутқарув отряди қутқарувчилари етиб борган вақтда аёл ўзини каналга ташлаган ва қутқарувчилар томонидан аёл соғ-саломат каналдан қутқариб олиб чиқилиб, тез тиббий ёрдам ходимларига топширилган.
Изоҳ (0)