Ўзбекистон президентининг Марказий Осиё давлатлари раҳбарлари Маслаҳат учрашувидаги иштироки, Қаршидаги шифохона лифти шахтасидан аёл жасади топилиши, Япония бош вазирининг Ўзбекистонга ташрифи қолдирилиши — “Дарё” нашри бугун, 9 августда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Энг арзони Сергели, Олмазор, Учтепа туманларида: Тошкентда уй-жой ижара нархлари таҳлил қилинди
Июль ойида ўртача ва тўлиқ таъмирланган хонадонлар учун ижара нархлари ўрганилди.
Қаршидаги шифохона лифти шахтасидан аёл жасади топилди
Аёл 20 соат аввал ишламаётган лифт шахтасига тушиб кетган.
Хоразмдаги заводда 4,7 млрд сўмлик электр энергияси ўғирлангани аниқланди
Корхона раҳбарига нисбатан жиноят иши қўзғатилди.
Қашқадарёда фуқарони 55 минг доллар эвазига мансабдор қилишни ваъда берган Баркамол авлод маркази директори 6 йилга қамалди
2024 йил 11 февраль куни қўлга олинган директорга шу йилнинг 6 август куни ҳукм ўқилди.
Шавкат Мирзиёев Марказий Осиё мамлакатлари миллий ID-карталарини ўзаро тан олиш таклифини илгари сурди
Ўзбекистон президенти бу таклифни Марказий Осиё давлатлари раҳбарлари Маслаҳат учрашувида киритди.
“Биз санкциялар сиёсатининг асирига айландик” — Шавкат Мирзиёев
Президент стратегик ҳужжат — Минтақавий хавфсизлик ва барқарорликни таъминлаш концепциясини ишлаб чиқишни таклиф этди.
Шавкат Мирзиёев Марказий Осиё давлатлари раҳбарларининг фахрий нишони билан тақдирланди
Ушбу фахрий нишон минтақа давлатлари ўртасидаги дўстлик, қўшничилик ва ўзаро англашувни ривожлантиришдаги алоҳида хизматлари учун берилди.
Шавкат Мирзиёев Сердар Бердимуҳамедов билан учрашув ўтказди. Нималар муҳокама қилинди?
Ҳудудлараро алоқаларни кенгайтириш ва маданий-гуманитар алмашинув дастурларини фаоллаштириш муҳимлиги қайд этилди.
Қорақалпоғистонда маҳаллалар ўтказган 10 млрд сўмга яқин тендер савдоларида қонунбузилишлар аниқланди
Ўрганиш натижаларига кўра, 48 та ҳолатда иш қўзғатилиб, тегишли чоралар кўрилди.
Ўзбекистон ТИВга Япония элчиси Хатори Такаши ташриф буюрди
Элчи Япония бош вазирининг Ўзбекистонга ташрифи қолдирилгани ҳақидаги расмий нотани топширди.
Шавкат Мирзиёев Олимпиада чемпионлари Улуғбек Рашитов ва Ҳасанбой Дўсматов билан телефон орқали мулоқот қилди
Давлат раҳбари спортчиларни қизғин табриклаб, терма жамоа томонидан бир кун ичида Олимпиаданинг иккита олтин медали қўлга киритилгани Ўзбекистон спорти учун тарихий воқеа бўлганини катта мамнуният билан қайд этди.
Изоҳ (0)