Toshkent shahrida lift ichida qulflanib qolgan bola sog‘-salomat qutqarildi, deb xabar bermoqda FVV axborot xizmati.
Keltirilishicha, kuni kecha, soat 22:55 da Yunusobod tumani 8-dahasida joylashgan ko‘p qavatli uylarning biridagi lift qulflanib qolgani, uni ichida bir nafar bola qolib ketgani to‘g‘risida 112 tizimi orqali FVBga xabar kelib tushgan.
Xabarga ko‘ra, zudlik bilan aytilgan manzilga tuman FVB qutqaruvchilari yetib borgan. Maxsus asbob-anjomlar yordamida liftni ochib, bola qutqarilgan hamda ota-onasiga sog‘-omon topshirilgan.
27-mart kuni Qashqadaryoda qutqaruvchilar tomonidan lift ichida qulflanib qolgan bolalar sog‘-salomat qutqarilgan edi.
- Toshkentda ichida odamlari bilan tushib ketgan lift tekshirilganda o‘ndan ortiq kamchiliklar aniqlandi.
- Toshkentda lift ichida odamlar bilan tushib ketdi — video.
Toshkent shahar hokimining “Toshkent shahrida iqtisodiyot tarmoqlari, ijtimoiy va energetika soha obyektlari hamda ko‘p qavatli uy-joy fondini 2025/2026-yillar kuz-qish davrida barqaror ishlashga tayyorlash chora-tadbirlari to‘g‘risida”gi qarori qabul qilindi. Qarorda Toshkentda 2025-yil oxirigacha 452 ta lift yangilanishi belgilandi.
Ko‘p qavatli uylarning liftlarini boshqarish va monitoring qilish bo‘yicha “Xavfsiz lift” yagona idoralararo platformasi ishlab chiqilayotgani haqida xabar berilgandi.
Izoh (0)