Андижон вилояти Избоскан туманида жойлашган масжидда газ портлади. Бу ҳақда ФВВ хабар берди.
Маълум қилинишича, Избоскан тумани “Мирзо Улуғбек” МФЙ ҳудудида жойлашган масжидларинг бирида ҳаво-газ аралашмасининг чақнаши содир бўлгани ҳақида Андижон вилояти ФВБга хабар келиб тушган. Ҳодиса содир бўлган жойга вилоят ҳокими Шуҳратбек Абдураҳмонов бошчилигида барча мутасадди масъуллар етиб келган, ҳозирда вазият тўлиқ назоратга олинган.
Дастлабки маълумотларга кўра, 6 нафар фуқаро тан жароҳати олган.
Қўшимча маълумотлар маълум қилинади.
27 март куни соат 21:50 ларда Тошкент вилоятининг Янгийўл туманидаги хонадонда газ портлаган эди.
Чақнаш натижасида 5 қаватли уйнинг 3 та қават ойналари синган. Ушбу кўп қаватли уй тўлиқ битказилиб топширилмагани сабабли бу ерда фуқаролар яшамаслиги аниқланди.
Янгийўл тумани ҳокимлигининг “Дарё” сўровига кўра аниқлик киритишича, эр-хотин ҳали фойдаланишга топширилмаган хонадонда олиб бораётган таъмирлаш ишларини кўздан кечириш учун кириб, “свет”ни ёққанида портлаш юз берган.
2025 йилнинг февралида Бухоро вилоятининг Ғиждувон туманидаги уйда газ портлаганди. Ҳодиса оқибатида уйнинг бир қисми қулаб тушган.
Изоҳ (0)